វិធីគិតអោយមានសេចក្ដីសុខឡើងវិញពេលដែលអ្នកខកចិត្ត......

វិធីគិតអោយមានសេចក្ដីសុខឡើងវិញពេលដែលអ្នកខកចិត្ត......

    1.ព្រមទទួលរឿងពិត= គឺព្រមទទួលថា រឿងវាកើតឡើងហើយ អោយវាកើតទៅចុះ ព្រមទទួលយកវា ព្រមទទួលស្ដាប់វា រកហេតុផលផ្សេងៗដើម្បីអោយខ្លួនឯងសប្បាយចិត្តឡើងវិញ

    2. បន្ធូរអារម្មណ៍តានតឹងអោយអ្នកដ៏ទៃស្ដាប់ខ្លះៗ = គឺអោយមនុស្សដែលអ្នកទុកចិត្តបំផុតស្ដាប់ ដើម្បីអោយខ្លួនយើងធូរស្បើយខ្លះៗ កុំលាក់ទុកម្នាក់ឯង

    3. ចេញទៅខាងក្រៅលំហែកាយលំហែចិត្ត= គឺត្រូវក្រោកដើរចេញទៅក្រៅផ្ទះខ្លះៗ ដើរលេង ញាំរបស់ឆ្ងាញ់ៗ ស្ដាប់ចម្រៀង មើលរឿង សើចសប្បាយ ហាត់ប្រាណ ចូលវត្តធ្វើបុណ្យ ស្ដាប់ធម៌ តាំសមាធិ ទៅកន្លែងណាដែលធ្វើអោយយើងសប្បាយចិត្ត មានអារម្មណ៍ស្រស់ស្រាយ បំភ្លេចរឿងចាស់ៗចោល

    4. ចេះថែរក្សាខ្លួនឯង= ពេលវេលាកន្លងមកយើងប្រគល់ក្ដីស្រឡាញ់អោយគេខ្លាំងណាស់ ទើបធ្វើអោយភ្លេចស្រឡាញ់ខ្លួនឯង ត្រូវក្រឡេកមើលខ្លួនឯងសារជាថ្មីគឺ តែងខ្លួនអោយស្អាត តែងខ្លួនអោយសង្ហា ញញឹមអោយស្រស់ កាត់សក់អោយស្អាត មានសតិគ្រប់ពេល យើងត្រូវគិតថា បើគ្មានគេ យើងក៏អាចរស់នៅបានដែរ កុំខូចចិត្តរឿងដើមៗ ត្រូវធ្វើខ្លួនអោយមានតម្លៃ ធ្វើខ្លួនអោយគេត្រូវការ ហាមប្រើអារម្មណ៍ឆេវឆាវគ្មានហេតុផល

    5. លះបង់= គឺបន្ធូរអារម្មណ៍តានតឹងនៅក្នុងចិត្ត ប្រាប់ខ្លួនឯងថា ខ្លួនមានតម្លៃបំផុតមិនអាចបោះបង់ខ្លួនឯងចោលបានទេ ត្រូវគិតថាកន្លងមកយើងធ្វើអស់ពីលទ្ធភាពហើយ យើងបានធ្វើតួនាទីជាមនុស្សល្អសម្រាប់គេហើយ បើមិនបានដូចចិត្តទេ ក៏ហីទៅចុះ លះបង់ចោលចុះប៉ុណ្នឹង សូមកុំបន្ដោសខ្លួនឯង កុំចង់គំនុំខ្លួនឯង កុំចង់គំនុំគេ ត្រូវចេះអោយអភ័យទោស លើកលែងទោសដល់គេ ជាដើម....

__________________

- មានសេចក្ដីស្រឡាញ់ រមែងមានសេចក្ដីទុក្ខ ព្រោះរឿងទាំងពីនេះមិនអាចគេចផុតបានទេ ពេលមានសេចក្ដីស្រឡាញ់ត្រូវស្រឡាញ់ល្មមៗបានហើយ កុំភ្លេចស្រឡាញ់ខ្លួនឯងផង គ្មានអ្នកណាស្រឡាញ់យើង ជាងយើងស្រឡាញ់ខ្លួនឯងនោះទេ ស្រលាញ់ដោយមានហេតុ មានផល មានបញ្ញា ទើបស្រឡាញ់មិនចេះខុស

- ពេលដែលកើតទុក្ខព្រោះសេចក្ដីស្រឡាញ់ សូមព្រមទទួលយកវាមកពិចារណា មានសតិ សម្បជ្ជញ្ញៈ រឹងមាំ មិនទន់ជ្រាយ រៀនរស់ជាមួយវាអោយបាន កុំគេចបញ្ហាអោយសោះ ត្រូវប្រឈមមុខជាមួយបញ្ហា កែបញ្ហាដោយសតិបញ្ញា កុំកែបញ្ហាដោយកំហឹង រឺតាមអារម្មណ៍ ប្រើពេលវេលារក្សាចិត្ត លះបង់ម្ដងបន្ដិចៗ...